-أخييك اذا ردلك لاترده
وأذا ردك تأدب لاترده
وباب الصلح فتحه ولاترده
خسر كلمن يرد مغضب خويه
അഅഅഅഅഅഅഅഅഅഅഅഅഅഅ
2- بعد ماكو فرح عندي ولاعيد
ومصايب بعد ماأحسب ولااعد
گلتهه وبعد ماكرر ولااعيد
الفرح راح وبعد شيرده أليه
അഅഅഅഅഅഅഅഅഅഅഅഅഅഅ
3- أريد أكتب شعر عنك وعني
وأدز الگلب لدروبك وأعنيه
صرت أنت سبب ونتي وعني
وألف دكتور مايلحگ عليه
അഅഅഅഅഅഅഅഅഅഅഅഅഅഅ
4- لغز أنت صعب فهمك وحلك
ورغم هذا أحبنك واحنلك
ألزمك طير بچفوفي وأحلك
وأدريبك جلد وترد أليه
അഅഅഅഅഅഅഅഅഅഅഅഅഅഅ
5- علي بلاذنب تزعل وراضي
وذهب لاجلك عفت ياما وأراضي
يل خدك گمر خلف وراه ضي
غصب عني اتبعك مو بأديه
അഅഅഅഅഅഅഅഅഅഅഅഅഅഅ
6- تعال أخذ الگلب صوغه ودربي
لأن دربك صفه دربه ودربي
ذهب ضميت بگليبي ودر بيه
أنخبطت ويه الذهب تاهت عليه
അഅഅഅഅഅഅഅഅഅഅഅഅഅഅ
((عتابه))
2- أنا ألما غلگت بابي ورديت
ولاسائل اجه لبيتي ورديت
تگول الناس متعافي ورديت
أنه ابن الحموله وطيب الانساب