ابوذية مني وابوذية منك

احبك حب فلا ينوصف وصفه
وقلبي عليك مثل الذهب واصفه
عليمن يكتب الدكتور وصفه
خدودك والشفايف صيدلية

تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلق كله وفضلاك
وبسمك احترز صبح ومسيه

انا بغابه وعليه ذياب تنحاط
وروحي من الشدايد دوم تنحط
يوصفونك دووه وعالجرح تنحط
وأنا المجروح ليش قطعت بيه

رعيتك ليش قلبك مارعانى
وياهمك فتت دليلى ومارعانى
مره أحبس بدمعى ومره أعانى
ومره تطيح روحى بين اديه

تعال وشوف قلبي من بعدكم
حزين ومايحب احد بعدكم
لوطال العمر وانتو بعدكم
يضل حبكم بقلبي للمنيه

احبابى شلون حالتكم بعدنا
شبدينا والدهر عنكم بعدنا
اذا انتو نسيتواحنا بعدنا
بذكركم كل صباح وكل مسيه

الحزن من زغر سني لازماني@
وعهد وي المدامع لازماني@
لاولفي رحمني لازماني@
مصبر والجرح البيه بيه

عشت ثلثين عمري ماليخلكك
لأن فارغ بطبعك مالي خلكك
لتحاول تجيني مالي خلكك
واذا انت سبع رد عليه

أكبر من جبل طارق هم النا
وياما دموع بفراكك هملنا
تعبنه ومابقت عكبك هملنا
جزاهه بالهجر تردف عليه

اشهر سلاحك لو زمانك تحـــــداك
واترك نذل عافـــــــــــك بيوم شده
بالك تهاب الموت لو يــــوم ناداك
الموت لو يريدك محد يــــــــــرده
خذ النصيحه والتجارب معـــــــاك
من صاحب يهواك وشخصك يوده

عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـه

وديت الك مرسال وعلي مارد
فراقك يابعد أهلي للقلب مارد
يسألوني شبيك ؟ وعليهم مارد
مادروا فراقك اش سوه بيه

بعدك حيل تعبني المني
وفوك مصيبتي الواشي يلمني
اذا مو حضنك يلفني يلمني
اذن واجب جفن يلتف عليه

راسي
سهول الناس عندي وانت راسي
سفن غركَت بحري وانت راسي
انت صديقي واخوي وتاج راسي
واعز منك ترى ماكو عليه

خاوه
ذبـل عرش الكَلب لجلك وخاوه
وطمع ماريد من عندك وخاوه
الفخرموللذي عاشر وخاوه
الفخر والطيب لليذكراخيه

غابت
وحق الي عليه الشمس غابت
شكثرخوان وقت الضيق غابت
وشكد مصايب صارت وغابت
وضلت بس الشماته تّمرعليه

عناي
اريداكَطع طريق الشوق عناي
واسولف للوفي من الناس عناي
صديقي اليرد الضيم عناي
ويوم الضيق يصبح درع اليه

أحنا قلنا ابوذية وحده مو كتاب أبوذيات
على كل حال


حرام انجان يهنه العيد ويطيب

ولاجرح البعد يلتام ويطيب

الي بركان حدر الضلع ويطيب

يطك من تمر ذكراهم عليه

ابد مو معجزه انتي بل بلا انتي
ياهسويتي يمي بلابلا انتي
اذا عالصوت اوصفك بلبل انتي
واذا عالوجه اوصفك مزهريه

ولو مايسوى كلمة من اكتبة
ولكن سالفة ونكتة نكتبة
شنو حكم الغدر صاحب نكت بيه
عليه التف غفل لفة الحية

الجواب من احد الاصدقاء الخيرين ..

العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

انا الشراي للخوه بلا كم
اوابد ما يسوى كل عمري بلا كم
اذا مره نزل لينه بلاكم
مثل الجنه ونفتحت عليه

من شاف الحسن حسنك شهدلك
و دز غيمة نحل تمطر شهد لك
اهد روحي وبعد مدري شهدلك
اهد كلشي واجيك ازحف بديه

زماني ما شهد لحد ..شهدلي
وحرت وياه شرسله ..شهدلي
واحد كال للثاني ..شهدلي
شهد طارت عليكم هاي هيه

رسم لي الزمان شلون خطه@
بقلم هجرك يناهي كتب خطه @
ادق علفرح مشغول خطه @
يجاوبني الحزن وير د عليه @

يساكي العسل ليش وياي بس مر
وعلى كلبي من فركاك بس مر
قصر لبنيلك من الماس بس مر
تدري بشوفتك وصفة الية

هاي ابوذيه تحشيش تقبلوها مني

زعلت وآآنه من البيت ... طالع
لان شيبي صفه بالراس ... طالع
كلت للحزن انت اليوم ... طالع
بالثلاث