اهداء الى الاخ محمد الراغب

قم يانديبي واحتزم وانهض الجيب
جيب" جديد" كل نفس" تحبه
ممتاز فل الفل مابه عذاريب
من رفرفه حتى اواخر اصطبه
من وارد اليابان صنعه وتركيب
امصمم" باأسلوب دبه ودبه
لامن وطاء درب الحفر كنه الذيب
والذيب ذيب" كل رجم" يذبه
ياسايقه نصه على راعي الطيب
انا اشهد انه شف بالي وطبه
نصه لبو نجاه راعي المواجيب
ابن الرجال الي الرجال اتحسبه
من لابت" يوم الحرايب لواهيب
ضوء المعادي قدمهم مايشبه
روس القروم اموفيين المطاليب
رجالهم للطيب عرقه ينبه
لاجيت بيته قام يثنى التراحيب
ثم قلطك والنار يشعم مشبه
سلم عليه وعطه ظرف المكاتيب
وقله ترا صاحبك خشمك يحبه
رسالت" فيها الوفاء والمكاسيب
مضمونها قدر وسلام ومحبه

تسلم يالغالي

لوأكتب إحساسي بالأشعاروأبديه
فيك المشاعركيف بس أختصرها
قدرك كبير ويعجز الشعر يوفيه
كل القصايد فيك ينضب بحرها
أرفع إيديني وأسأل الله وأرجيه
ينجيك من شر الحياة وكدرها

يستاهل ابو نجاه وصح لسانك على هل القصيده الرائعه

مشكور على مرورك اخ حمود

ابو نجاه تستاهل اكثر من قصيده يا صاحبي

هني من عاشر من الناس شرواك
في ذمتي يعيش والراس مرفوع
تبقى عزيزوتعجبني مزاياك يابونجاة
ياللي بيمناك أجزل الطيب مطبوع
عسى البلاوي والمصايب تعداك
تصيب ناس عنهم الطيب مقطوع

من رافقك والله حشى مايخليك,,,
لو عاشرك كل الدهر مايملك ..
انا اشهد اني حرت مدري شسميك ,,,
كل الخصال النادره ينتمن لك..
الطيب كنه شابك ايديه بأيديك ,,
ان كان له صاحب فهو صاحبلك ...
والله تستاهل يا أبو نجاة

الاخ (سبحان الله ) والاخت لمياء منورين